Pas maceve edhe një qen në SHBA rezulton pozitiv me koronavirus. Qeni me emrin Wilson i përket një familjeje në Chapel Hill, Karolina. E gjithë familja ka rezultuar pozitive me Covid-19, ndërsa filluan të dyshojnë për qenin e tyre Wilson kur ai refuzoi të hante mëngjesin. Por interesante është fakti se familja ka edhe një qen tjetër si dhe një mace, por ata nuk e kanë marrë virusin. Po ashtu edhe vajza e tyre Sandy, nuk është infektuar.
Ky është rasti i parë që dimë në SHBA ku virusi ka kaluar nga njeriu te qeni.Muajin e kaluar një rast i ngjashëm në Hong Kong mund të ketë qenë i pari në botë i transmetimit të koronavirusit nga njeriu te kafsha.
Studiuesit besojnë se është më e lehtë që virusin ta marrin macet sesa qentë. Ata gjithashtu besojnë se në SHBA ka shumë kafshë shtëpiake që janë infektuar, por nuk dihet saktësishtë pasi nuk testohen. Ndërsa Wilson ishte një rastësi që u testua pasi familja kishte pranuar të bëhej pjesë e një studimi nga Duke University.
Familjarët treguan se Wilson e ka zakon që ua lëpin pjatat familjarëve si dhe këta shpesh ia afrojnë fytyrën e tyre përpara fytyrës së tij.
