Ministria e Shëndetësisë, Ogerta Manastirliu ndërsa prezantoi planin e rihapjes, bëri të ditur për të gjithë personat që vijnë nga jashtë dhe jetojnë në zonat e kuqe do të mund të vetëkarantinohen në banesat e tyre me kushte strikte dhe në monitorim të rreptë.
Ndërsa për persona që vijnë nga jashtë dhe jetojnë në zonat e gjelbërta do të karantinohen për dy javë në strukturat akomoduese të përcaktuara nga qeveria.
“Duke filluar nga data 4 Maj, personat që do të riatdhesohen dhe që janë me banim ne zonat e kuqe do të vetekarantinohen në banesë me kushte strikte dhe nën monitorim të rreptë. Ndërsa të riatdhesuarit që banojnë në zonat jeshile do të vijojnë karantinën në strukturat akomoduese të percaktuara”, tha Manastirliu.
Manastirliu ritheksoi se nëse gjatë ketyre dy javëve do të vihet re, që kushtet dhe situata do të pesojë ndryshime, për shkak të rihapjes, do të duhet të rikthehemi ne situatën e mbylljes së detyrueshme.
