Los Angeles do u ofrojë banorëve teste falas kundër koronavirusit. Vendimi është bërë me dije nga kryebashkiaku Eric Garcetti, si e vetmja mënyrë për t’u përballur me pandeminë e COVID-19.
Deri më tani vetëm punonjësit e sektorëve kritikë për ekonominë kishin mundësinë të kryenin teste falas, por vendimi i fundit ka përfshirë të gjithë banorët rezidentë në Los Angeles.
48 mijë persona të infektuar me koronavirus janë konfirmuar në këtë qytet deri të enjten, ndërsa 1900 të tjerë kanë ndërruar jetë.
Ndërkohë që në të gjithë Kaliforninë, që është edhe shteti më i populluar i SHBA-së, do të mbyllen të gjitha plazhet publike si masa parandaluese për përhapjen e koronavirusit.
