Në kuadër të hapjes së ngadaltë dhe të kujdesshme ndaj koronavirusit, fundjava ka nisur me rregulla të reja për qytetarët dhe bizneset.
Nga rregulli i ri përfitojnë pensionistët. Ata kanë liridalje deri në orën 10:00 ditën e sotme, po ashtu edhe nesër.
Gjatë kësaj fashe orare që pensionistët lejohen të dalin të gjithë të tjerët do të duhet të jenë brenda në shtëpi.
Kur të mbarojë fasha orare e pensionistëve dhe të jenë rikthyer brenda, nga ora 11:00 deri në 17:30, sot dhe nesër do të lejohet që të dalin prindërit me fëmijët deri në 14 vjeç, ku përveç nënave sot u jepet leje për të dalë nga shtëpia të dy prindërve.
Sa i përket bizneseve sot do të qëndrojnë hapur vetëm ushqimoret dhe farmacitë deri në orën 17.30. E diela do të jetë mbyllur për të gjitha bizneset. Gjithashtu sot dhe nesër do të ndalohet kategorikisht qarkullimi i automjeteve private.
