Presidenti Ilir Meta vijon të kritikojë vendimin e opozitës për të braktisur Parlamentin dhe për të djegur mandatet parlamentare. Këtë Meta e bëri edhe gjatë intervistës në emisionin “Hard Talk” në Fjala.al me gazetarin Roland Qafoku.
“Ajo që unë e kam bërë të qartë si mosvërejtje apo si mospajtim apo si një shqetësim shumë të madh ka qenë prej kohësh fakti që opozita u largua nga Parlamenti dhe që nuk mori pjesë në zgjedhjet e 30 qershorit përpara se ato të shfuqizoheshin me një platformë gjithëpërfshirëse. Këto janë dy momentet që janë komplekse sepse duhet të jemi të qartë se hapësirat e saj në Kuvend u ngushtuan jashtëzakonisht shumë por në fund fare ajo ra pre e një provokimi duke u larguar në atë mënyrë ashtu si edhe u zëvendësua në një mënyrë mjaft të përshpejtuar dhe në kundërshtim me Kushtetutën dhe proceduart parlamentare. Kuptohet që realizoi një gabim mjaft të rëndë, i cili na sjell në një situatë anormale në të cilën ndodhet vendi. Unë jam gjithmonë i bindur se nuk mund të arrijmë standardet e Danimarkes, brenda as një dite, brenda as 1 viti dhe as 30 viteve. Duhen shekuj për të arritur ato standarde, por për mua bojkoti ka qenë dhe mbetet i gabuar. Ka një thënie të famshme franceze që nuk duhet të mungosh në asnjë takim. Më mirë të jesh pjesë e ngjarjeve sesa të dalësh jashtë tyre. Ky është mospajtimi im apo shqetësimi im në lidhje me sjelljen e opozitës sepse në demokraci nuk duhet lëshuar asnjë hapësirë. Çdo hapësirëqë t’i lë bosh plotësohet nga dikush tjetër dhe kjo nuk është midis qeverisë dhe opozitës, por kjo dëmton siç e ka dëmtuar praktikisht gjithë sistemin e llogaridhënies në vend, dhe kjo nuk dëmton vetëm anëtarët dhe simpatizantët e opozitës por edhe gjithë qytetarët e tjerë”, tha Meta.
Me zotin Basha takimi i fundit është ai para protestës së 2 marsit?
Jo, me zotin Basha jam takuar edhe në situate të tjera kur nuk ka qenë kjo situatë, situata e pandemisë.
Por zoti Basha ka një qejfmbetje nga ju zoti President, ai vetë nuk e ka artikuluar, por struktura të Partisë Demokratike në rrjetet sociale ju kanë masakruar në një formë apo në një tjetër. Dhe nuk kuptohet fare që është e orkestruar. Ata mendojnë dhe janë të bindur se ju keni bërë një marrëveshje me zotin Rama.
Unë nuk e di se çfarë përdorin përkrahësit e zotit Basha apo të kujtdo tjetër, nëse bëhet fjalë për ndryshimet e fundit në Kodin Penal, por unë mendoj që sjellja e Presidentit, aq më tepër e përgjithshme ka synuar që të ndihmojë në mirëmenaxhimin e një situate të jashtëzakonshme ku është e qartë si një boshllëk në Kodin Penal në situatën e kësaj pandemie apo të çdo lloj epidemie që kërcënon shëndetin e qytetarëve, ajo që presidneti bëri ishtë një kontribut për të vendosur standardet më të larta evropiane duke iu referuar dhe duke i patur më të kujdesshme se ato të Danimarkës dhe e them këtë gjë se në rast se nuk do ishte bërë ky bashkëpunim i Presidentit me mazhorancën, jam i sigurt se ajo çka do të ishte miratuar do ishte shumë e rrezikshme dhe kërcënuese për çdo qytetar. Unë veprimet e mia i bëj me bindje në interesin më të mirë të shtetit dhe qytetarëve, kritikat i pranoj, por kur ato janë të stisura koha i tret me shpejtësi.
-“Basha të gënjen edhe për orën”, Meta flet për raportin aktual me kreun e PD
