Kryeopozitari Lulzim Basha paralajmëroi për një krizë të thellë ekonomike për shkak të mungesës së ndihmës, sipas tij, nga Qeveria e Edi Ramës për bizneset e vogla. Pas takimit me përfaqësues të Shoqatës së Biznesit të Vogël, Basha tha se kjo kategori “po përballet me vështirësi të jashtëzakonshme për shkak të mungesës totale të mbështetjes nga qeveria”.
Duke akuzuar se Qeveria e ka përqëndruar vëmendjen tek oligarkët, Basha tha e situata është dramatike pasi ‘motori i ekonomisë’, biznesi i vogël, është duke u zhytur në krizë.
“Me propagandë, me shfaqje televizive biznesi i vogël nuk po ndihmohet. Zhytja e bizesit të vogël është paralajmërim për krizën ekonomike. Fokusi ynë duhet të jetë pandemia ekonomike”, theksoi Basha.
Basha kërkoi që pranohen menjëherë kërkesa e ndihmës për biznesin e vogël.
