Ministri Arben Ahmetaj foli sonte për një normalitet të ri në ekonominë e vendit.
Ahmetaj tha se do të duhet të paktën 1 vit për t’u kthyer aty ku ishim para nisjes së epidemisë.
Gjithashtu, ministri sqaroi edhe situatën për ata që kanë humbur dhe do të humbin vendet e punës pas karantinës.
Ai tha se do të ketë një rënie, por parashikon që rritja të nisë në muajin qershor, kjo falë turizmit për të cilin po mendohet një hapje e kujdesshme.
“Mendoj që vendi do të arrijë në një normalitet të ri, diku në muajt shtator- tetor. Si në shkurt të këtij viti, ne do jemi vetëm vitin tjetër në këtë kohë.
Punësimi do rimerret që nga qershori. Këtu kemi një element që ka të bëjë me turizmin.
Ne turizmin do e rihapim kujdesshëm. Ne do flasim me vende si Çekia apo Polonia për të pasur fluturime direkte dhe protokolle bilaterale, për t’i sjellë turistët drejtpërsëdrejti.
Deri në shtator, punësimi do jetë ringritur tek 90% e asaj që ishte para krizës, ndërsa ekonomia do rimarri tempin e shkurtit të këtij viti, në janar -shkurt të vitit tjetër”, u shpreh Ahmetaj sonte në emisionin Opinion. /l.m/Fjala
