Kryetarja e Lëvizjes Socialiste për Integrim, Monika Kryemadhi ka shprehur se ka një ëndërr për të gjithë shqiptarët.
Ajo ka thënë se do donte që të gjithë shqiptarët të kenë pasaportë zvicerane për të kaluar në të gjitha pikat kufitare.
Kryemadhi thotë më tej se në politikë ka emra shumë më të mirë në bazë se kryeministri Edi Rama.
“Unë si politikane do të kisha dëshirë, që shqiptarët aty në pikat kufitare të mos i poshtërojnë. Por të kalojnë me respekt sikur të kenë pasaportë zvicerane.
Sot një pjesë e politikanëve janë kthyer në analistë individualë. Një pjesë janë në PD, një pjesë në LSI, dhe një pjesë janë tërhequr si të thuash janë kthyer në analistë individualë. Por PS ka dhe njerëz shumë të mirë në bazë dhe në Grupin Parlamentar. Njerëzit kanë votuar socialistët e vërtetë. Një pjesë e mirë e njerëzve që janë sot në PS apo bizneset që përfitojnë nga PS nuk e kanë origjinën te PS, por kanë kaluar nga parti të tjera,”- tha Kryemadhi për emisionin “Java në RTSH”.
