Gazetari Artan Hoxha tha sonte se së fundmi është zbuluar një sipërfaqe e konsiderueshme e mbjellë me kanabis në Përmet, por nuk është bërë publike.
Hoxha deklaroi se kishte qenë vetë në Përmet për të parë se çfarë do të mbillej dhe për të parë nëse kishte ndonjë bashkëpunim me strukturat shtetërore.
“Unë e shfrytëzova për të parë edhe se jemi në momentin që në Shqipëri fillon të kultivohet kanabisi. Dhe unë me atë rast edhe për ti shpëtuar karantinimit, por edhe për të hedhur një su çfarë po bëhet. Kjo është stina, tokat janë gati. Mbjellja duhet të kishte filluar. Jo më larg se dje është gjetur një parcelë goxha e madhe, nuk është bërë publike akoma sepse ngjarja ka ndodhur në provincë dhe mediat tona e kanë shikimin deri te Unaza e Madhe.
Është kapur një sipërfaqe goxha e konsiderueshme në Katundisht të Përmetit. Di që ka një hetim. Unë javën e kaluar unë isha në Përmet, pashë çfarë ndodhte aty, a janë gati për mbjelljen. Që do mbillet do mbillet, por a është e organizuar. A ka bashkëpunim të strukturave shtetërore. Dhe nëse ka bashkëpunim atëherë do të jetë një mbjellje në shkallë të gjerë.
Deri më tani më rezultoi se kjo nuk kishte. Nuk ka bashkëpunim, ka mbjellje por është në sipërfaqe të kufizuar. Ka edhe një rrezik tjetër, gjithmonë në vitet para zgjedhore ka rritje të sipërfaqes së kultivuar. Ne jemi para 2021. Sepse kultivimi i kanabisit kthehet në një depozitë votash”, tha Hoxha i ftuar në “Provokacija”./l.m/Fjala
