Fotot e realizuara nga ajri shfaqin një ishull të shkretuar, totalisht ndryshe nga Ibiza, qyteti i parajsës së festave. Ishulli spanjoll, normalisht në këtë periudhë të vitit duhej të ishte i tejmbushur, por klubet dhe resortet janë mbyllur ndërsa ishulli e ka humbur gjallërinë.
Sezoni i festave në Ibiza starton në fund të prillit, me britanikët që tradicionalisht që prej viteve ’90, kanë pushtuar qytetin për pushimet e para verore apo me fundjavat e gjata. Klubet e famshme si O-beach, Nikki Beach apo Ushuaia janë të mbyllura prej më shumë se 2 muajsh.
Ekonomia e ishullit varet nga festivalet gjigante të muzikës dhe klubet e natës që çelen në prill e mbyllen në fund të tetorit. 75% e popullsisë së vendit varen nga të ardhurat nga turizmi.
Me turistët e huaj që këtë vit do të jenë më pak, Spanja i ka kthyer sytë nga turizmi i brendshëm. Por edhe me rikthimin e turistëve, pushimet në Spanjë do të jenë larg standardit të viteve të shkuara, për shkak të masave shtrënguese, ruajtjen e distancës së sigurisë dhe higjienës personale. Çadrat do të jenë të pozicionuara 6 metra larg njëra tjetrës ndërsa ushqimi, edhe në restorantet më të mira, do të serviret në pjata plastike.
Shihni fotot e majit të 2019 dhe majit të këtij viti./Burimi: The Sun
