Kreu i qeverisë Edi Rama gjatë një komunikimi live me gazetarët i është përgjigjur edhe pyetjes nëse forca politike që ai drejton do të bëjë koalicion me Lëvizjen Socialiste për Integrim për zgjedhjet e vitit 2021 ashtu siç ndodhi në 2013.
“Në politikë kurrë mos thuaj kurrë. Por nuk shoh një koalicion me partisë e Presidentit sepse konteksti i sotëm, degradimi i vazhdueshëm i asaj force politike dhe detyrimet tona programore ashtu si dhe bindja jonë që është e mjaftueshme të flasë puna dhe falë punës një aleancë me popullin na e bëjnë krejtësisht pa interes këtë perspektivë. E përjashtoj. ”- tha Rama.
