Brazili ka shënuar një numër rekord të vdekjeve nga koronavirusi, ku në një ditë të vetme janë shënuar me 881 vdekje të reja.
Brazili, vendi i Amerikës Latine më i goditur nga pandemia duket se po bëhet shpejt një “pikë e nxehtë” e re globale.
Numri i përgjithshëm i vdekjeve nga koronavirusi i ri tani ka arritur në 12.400 në vend, me 177.589 raste të konfirmuara – 9,258 deri një ditë më parë.
“Sigurisht, rritja e rasteve (në Brazil) në ditët e fundit është një shqetësim”, ka thënë Marcos Espinal, kreu i departamentit të sëmundjeve ngjitëse në Organizatën e Shëndetit Pan Amerikan, në një konferencë në Uashington. Madje ekspertët thonë se numri jo i madh i testeve nënkupton se numrat e vërtetë në Brazil janë ndoshta shumë më të larta.
“Brazili po teston vetëm njerëzit që përfundojnë në spital”, tha Domingo Alves, një nga autorët e një studimi të publikuar javën e kaluar që vlerësoi se numri i vërtetë i infeksioneve në vend ishte 15 herë më i lartë se shifra zyrtare.
