Britania e Madhe ka futur në përdorim një test të ri ndaj koronavirusit që tregon nëse dikush është infektuar nga koronavirusi apo jo.
Sipas mediave angleze testi do të identifikojë të gjithë ata që kanë pasur koronavirus.
Nga ana tjetër, ekspertët shpresojnë se këta njerëz mund të kenë fituar imunitet.
Public Health England (PHE)” thekson se ekspertët shkencorë kanë kryer një vlerësim të pavarur të testit të gjakut të antitrupave në objektin top sekret në Porton Doën, dhe gjetën se rezultatet e tij ishin ‘shumë specifike’, duke identifikuar çdo mostër nga dikush që më parë kishte dalë pozitiv për koronavirusin.
Koordinatori kombëtar i Programit të Testimit të koronavirusit në Mbretërinë e Bashkuar, Profesori John Neëton është shprehuir se “Ne ishim të sigurt se testet e antitrupave me cilësi të mirë do të bëhen të disponueshme kur ato të ishin të nevojshme. Ky është një zhvillim shumë pozitiv sepse një test i tillë shumë specifik i antitrupave është një shënues shumë i besueshëm i infeksionit të së kaluarës. Kjo nga ana tjetër mund të tregojë një imunitet ndaj infeksionit të ardhshëm, edhe pse shtrirja në të cilën prania e antitrupave tregon imunitetin mbetet e paqartë”
