Lidhur me diskutimet e fundit që janë bërë për legalizimin e kanabisit për efekte mjekësore, deputeti i PD, Myslim Murrizi u shpreh kundër kësaj nisme. Sipas tij, shteti shqiptar nuk është i aftë ta kontrollojë këtë nismë.
-A jeni dakord për legalizimin e kanabisit?
-Jo! Sepse nuk kemi shtet për ta kontrolluar qëllimin për të cilin po propagandohet se po bëhet. Shikoni Maqedoninë si ka degjeneruar. U nis për pesë licenca , sot ka 43 të tilla. Nëse këta shesin teorinë që do të na sjellin të ardhura ekonomike , do mbillet shumë, po u mboll shumë do bjerë çmimi, po u mboll në Lushnjë 70 mijë hektarë, çfarë vlere do ketë kilja. Do jetë më keq se kastraveci, domatja, qepa. Nëse e marrin monopol dhe kontrollohet por duhet të shikojmë ekzaktësisht stategjinë. Kush firmë dhe kompani prestigjoze farmaceutike ka kërkesë që të marrë këtë lloj malli nga Shqipëria se a flasim që nuk do jetë për tregun e brendshëm. Cila kompani prestigjoze farmaceutike ta ka krijuar një plan biznesi që thotë unë dua 100 hektarë. Unë dyshoj që nuk e kemi këtë strategji.
https://youtu.be/Tw8opLfpQow
