Partia Demokratike ka theksuar se e gjithë përgjegjësia është e kryeministrit Edi Rama për rritjen e rasteve me koronavirus në fasonerinë e Durrësit.
Përmes ish-deputetit të saj Bardh Spahia, Partia Demokratike thotë se nuk është faji i qytetarëve rritja e numrit por për shkak të natyrës së punës në fasoneri por për shkak të papërgjegjshmërisë së kreut të qeverisë.
Statusi i plotë:
“Sa e pacipë hedhja e fajit tek qytetarët nga Ogerta Manastirliu për numrin e rritur për të dytën ditë rradhazi të të infektuarve me COVID. E pra sipas vetë të dhënave zyrtare janë punonjës e kontakte të fasonerive. Dhe është krejt e qartë se ka vetëm një përgjegjës për infektimin dhe përhapjen nga fasoneritë! Ai është Edi Rama e jo qytetarët! Për shkak të natyrës së punës në fasoneri, është e pamundur shmangia e kontaktit me të tjerët! Edi Rama nuk i mbylli fasoneritë, që të mos u paguante pagesën minimale punonjësve të tyre. Në vend që t’ua jepte 70 mijë punonjësve kryesisht vajza e gra, i coi paratë për koncesione e për një grusht oligarkësh pranë tij.
Rritja e rasteve të të infektuarve nuk ka të bëjë me hapjen e ekonomisë, por me dështimin spektakolar të qeverisë për të testuar qytetarët e ekspozuar ndaj rrezikut.
