Fabrizio Pregliasco, ekspert në Universitetin e Milanos dhe drejtor mjekësor i IRCCS është shprehur se koronaviursi Covid-19 ka paraqitur karakteristika që nuk i ka parë kurrë më parë te viruset e tjerë dhe ai beson se Covid mund të mos largohet të paktën për një ose dy vjet, por do të jetë më pak agresiv.
Teksa ka folur për emisionin “Di Martedi”, Pregliasco është shprehur se të gjithë duhet të përgatiten për më të keqen në valët e mëtejshme të koronavirusit.
“Shpresojmë që ky virus do këtë më vonë efekte më të buta te njerëzit. Ndoshta ai do të ndryshojë. Këto lloj virusesh kanë tendencë të bëhen më ‘të butë’, më shpërhapës por edhe me më pak ndërlikime. Ky virus po na shqetëson vërtet. Ai ka tipare që nuk i kemi parë, krahasuar me vitet e tjera, në krahasim me mënyrën se si përhapet. Në veçanti te asimptomatikët dhe me shumë prej tyre.
Kam frikë se ky virus do të jetë me në për një apo dy vjet. Duhet të përgatitemi për skenarin më të keq, përkatësisht atë të pandemive të së kaluarës. Me valë të mëtejshme shpërthimesh. Duhet të përgatitemi për më të keqen por edhe me shpresën dhe hipotezën se koronavirusi do të jetë më paqësor dhe më i menaxhueshëm”.
