Nënkryetari i Partisë Demokratike, Edmond Spaho tregon se protesta e sotme në orën 16.30 do jetë masive dhe do jetë në mbështetje të Aleancës për Mbrojtjen e Teatrit. Sipas tij ata i kanë kërkuar opozitës që t’i mbështesë dhe opzita do ta bëjë këtë.
-Godina u shkatërrua, për çfarë do protestoni ju sot?
-Nuk është çështja vetëm te godina. Ne jemi në mbështetje të Aleancës për Mbrojtjen e Teatrit dhe i kemi bërë thirrje qytetarëve që ta mbështesin këtë kauzë. Dhe do ketë pjesëmarrje sigurisht edhe nga qytetarët dhe me strukturat tona do punojmë që të kemi një pjesëmarrje sa më të madhe pavarësisht kushteve. Numrin e pjesëmarrësve do ta shikojmë atje. Me mijëra do të jenë. Mbështetja qytetare jo partiake, do të jetë e gjerë sikurse ishte dhe dje pasdite në protestën sponatne që u zhvillua. Aleanca për Mbrojtjen e Teatrit është organizatorja.
Duhet ta kuptojmë që tashmë kjo nuk është vetëm çështje Teatri. Kjo është çështje e të drejtave dhe lirive të njeriut, është çështje e demokracisë, është çështje e ekonomisë, dhe çdo lloj çështje tjetër që në si qytetarë po vuajmë nga qeveria. Asnjëherë nuk jemi përfshirë në veprime të dhunshme dhe nuk nxisim veprime të kësaj natyre.
