Dwayne Johnson thotë se ndihet vërtet krenar që vajza e 18 vjeçe po ndjek hapat e të atit, duke i hyrë botës së ‘wrestling profesional’.
Aktori i famshëm i filmave aksion në Hollivud, e nisi karrierën e tij ku mori edhe nofkën “The Rock”, pikërisht si një yll i industrisë së Wrestling -ut botëror, duke u shndërruar shpejt në një yll të këtij sporti.
Simone Alexandar Johnson, vajza me gruan e parë Dany Garcia, zyrtarisht ka firmosur kontratën e saj të parë ne ‘World Wrestling Entertainment’ në muajin shkurt, pasi kishte nisur më herët trajnimin për këtë sport.
Johnson hoqi dorë nga ky sport në vitin 2004, por u rikthye sërish në vitin 2011, derisa u tërhoq nga arena përfundimisht në vitin 2013. Aktori 48 vjeçar, i ftuar në shfaqjen e mbrëmjes së Jimmy Fallon, u shfaq krenar dhe e quajti nder, faktin që vajza e tij 18 vjeçare zgjodhi të ndjekë hapat e tij.
Simone është vajza më e re në moshë që firmos një kontratë me ‘WWW’ në të gjithë historinë e kësaj organizate ndërsa ka qenë në radarin e saj, që në moshën 16 vjeçare. Dhe Simone do të ketë një trajner personal në këtë fushë, të atin që ka qenë 10 herë kampion bote në ‘wrestling’ ndërsa gjyshi dhe stërgjyshi i saj kanë qenë po ashtu kampionë dhe sot janë pjesë e murit të famës së ‘wrestling’./Burimi: CNN