Profesor Përparim Kabo shprehet se një media në Shqipëri, e cila financohet nga kanale jo të besueshme, ka nisur një sulm të qëllimshëm antiamerikan. Sipas Kabos, qëllimi i këtij sulmi është i errët dhe kërkon zbehjen e rolit historik të SHBA-së në forcimin e shqiptarëve.
Profesori akuzon se propaganda antiamerikane po ushqehet nga ata që nuk duan ndëshkim të krimit dhe të korrupsionit në Shqipëri.
“Një media e organizuar dhe e financuar nga kanale jo të besueshme edhe financiarisht, ka nisur jo pa qëllim një sulm antiamerikan. Pasi disa argumentave sipërfaqësor qëllimet janë të errëta, që duan zbehjen e rolit historik të SHBA që me krijimin e shtetit shqiptar, rrëzimin e sistemit të djeshëm, ndërtimin e demokracisë, pranimin në NATO, çlirimin e Kosovës dhe Reformën në Drejtësi. Këtë propagandë antiamerikane e ushqejnë ata që nuk duan ligj dhe rregull në Shqipëri. Nuk duan ndëshkim të krimit dhe korrupsionit, duan rrëmujë dhe mjegull. Fatkeqësisht në këtë grackë bien të lodhurit, të pakënaqurit, fanatikët partiakë, njerëz me kujtesë të shkurtër, të paguar mediokër dhe gjithfarë turli njerëzish që nuk kanë lexuar qoftë edhe një libër të vetëm historie. Dikush apo disa bëjnë llogari kulte antiamerikane në Shqipëri… por kujdes, llogaritë janë në botën e sotme gjeopolitike dhe jo pazari i shkurtër në aksham”, shprehet Përparim Kabo.
