Vëzhgimet e bëra me teleskopin më të madh të Observatorit Evropian Jugot (VLT ESO’s) kanë vëzhguar se si një sistem yjor lind.
Rreth yllit të ri AB Aurigae formohet një disk i dendur pluhuri dhe gazi në të cilin astronomët kanë dalluar një strukturë spirale që tregon vendin ku po formohet një planet i ri. Tipari i vëzhguar mund të jetë dëshmia e parë e drejtpërdrejtë e një planeti foshnje.
Zbulimet mund të ndihmojnë të kuptojmë se si mijëra eksoplanetë janë formuar, thanë shkencëtarët, duke parë procesin se si lindin ato.
“Mijëra ekzoplanetë janë identifikuar deri më tani, por pak dihet se si ato formohen”, tha Anthony Boccaletti i cili drejtoi studimin nga Observatoire de Paris, Universiteti PSL, Francë.
Astronomët e dinë se planetët kanë lindur në disqe me pluhur që rrethojnë yje të rinj, si AB Aurigae, ndërsa gazi i ftohtë dhe pluhuri grumbullohen së bashku. Vëzhgimet e reja me VLT të ESO-së, botuar në Astronomy & Astrophysics, tregojnë të dhëna thelbësore për të ndihmuar shkencëtarët të kuptojnë më mirë këtë proces./Burimi: Phys/ Përshtati për Fjala.al R.G
