Një peticion ‘on line’ është hapur për të kërkuar rindërtimin e Teatrit Kombëtar në të njëjtin vend dhe me të njëjtin projekt të italianëve. Peticioni i drejtohet kryebashkiakut të Tiranës, Erion Veliaj, kryeministrit Edi Rama dhe presidentit Ilir Meta.
Deri më tani ky peticion është firmosur nga mbi 15 mijë e 300 njerëz.
“Situata është e papranueshme dhe Teatri Kombetar duhet te rindertohet sa më parë atje ku ishte e si ishte. Trashëgimia kulturore dhe historike është e shenjtë dhe e paprekshme nga kthetrat korruptive të politikës e për këtë motiv rindërtimi i Teatrit Kombetar duhet të kthehet në objektivin kryesor jo vetem për banorët e artistët e Tiranës por për të gjithë komunitetin dhe popullin shqiptar”, shkruhet në këtë peticion.
