Një infermiere kanadeze që u infektua me koronavirus më 30 mars, ka rezultuar pozitive edhe pas 50 ditësh.
Tracy Schofield, nga Cambridge, Ontario, filloi të shfaqte simptoma të koronavirusit si: të dridhura, ethe dhe gulçim.
Të nesërmen ajo bëri testin për Covid-19 dhe rezultoi pozitive me koroanvirus. Schofield, 49-vjeçe, kaloi dy javë në izolim por edhe pas testit të dytë ajo rezultoi përsëri pozitive, por edhe gjashtë testet e tjera rezultuan sërish pozitive.
Mjekët i thanë nënës së tre fëmijëve se ata nuk besojnë se koronavirusi vazhdon të jetë ngjitës, por përsëri ata nuk mund të shpjegojnë se përse testimi vazhdon të rezultojë pozitivë.
“Çdo herë që marrë rezultatin e testit, është sikur dikush më godet në stomak”, tha Schofiel, shkruan Daily Mail.
“Unë dua që dikush të ma shpjegojë”, shtoi Schofield e cila vazhdon të rrijë e izoluar në dhomën e saj pa pasur kontakte edhe me të birin 17-vjeç.
Sidoqoftë, testet e saj nga Spitali Memorial i Cambridge kanë vazhduar të rezultojnë pozitive.
Schofield thotë se ajo ishte e ngazëllyer pasi testi i tetë i përgjithshëm u kthye negativ.
Por pacientët duhet të marrin dy rezultate negative brenda një periudhe 24-orëshe për tu konsideruar të rikuperuar. Testi i saj i nëntë u kthye pozitiv.
Dhe, megjithëse autoritetet nga Rajoni i Waterloo Shëndetit Publik, e kanë lejuar atë të largohet nga shtëpia e saj më 14 prill, ajo thotë se nuk do ta konsiderojë veten të rikuperuar derisa të marrë dy rezultatet e saj të njëpasnjëshme të testit.
Schofield thotë se ajo nuk ka ndonjë gjendje para-ekzistuese por ajo është e shqetësuar se do të ketë komplikime afatgjata nga virusi./Fjala.al/R.G
