Është përcjellë për në banesën e fundit 5-vjeçari, Aleksandër Brahimi nga Berati që humbi jetën pas kontaktit me energjinë elektrike në park.
Vogëlushi është përcjellë nga familjarët mes lotësh, ndërsa ark-morti mbahej në duar nga babai dhe familjarët. Aleksandri i vogël, që njihej në qytet si lypës dhe vinte nga komuniteti Rom,gjeti vdekjen mëngjesin e djeshëm në parkun e qytetit të Beratit.
5-vjeçari po luante në tunelin me drita, pjesë e dekorit të bashkisë për festat e fundvitit dhe ka rënë në kontakt me rrymën elektrike të disa telave të zhveshur. Vogëlushi u dërgua në spital me shenja të dobëta jete, por mjekët,me gjithë përpjekjet e bëra,nuk kanë mundur dot ta shpëtojnë.
Për humbjen e madhe familjarët e fëmijës akuzuan bashkinë, ndërsa për këtë rast u arrestuan për “shpërdorim detyre” dy drejtues të bashkisë dhe 4 elektriçistë, të cilët po ndiqen penalisht në gjendje të lirë.k.t/Fjala.al/
