Komisioneri Evropian për Buxhetin dhe Administratën Johannes Hahn deklaroi se Ballkani Perëndimor i përket Evropës dhe se përpjekjet e vendeve në rajon do të njihen.
Në një intervistë për një medie kroate ai tha se integrimi i Ballkanit Perëndimor në BE është një proces i bazuar në meritë dhe se si i tillë, është në interesin e vërtetë të BE-së.
“Bëhet fjalë për eksportimin e stabilitetit në vend të importimit të paqëndrueshmërisë” tha ish-komisioneri për Politikën e Fqinjësisë Evropiane dhe negociatat e zgjerimit.
Ai u bëri thirrje “miqve nga Ballkani” që të vazhdojnë me reformat në rrugën evropiane dhe se këto përpjekje do të njihen.
Ai kujtoi se muajin e kaluar, BE vendosi të hap negociatat e pranimit me Shqipërinë dhe Maqedoninë Veriore, megjithë krizën për shkak të pandemisë./b.b/fjala.al
