Një përdhunues serial grek i njohur si “Dragoi i Kavos” ka thyer kurrizin teksa u hodh nga një lartësi prej 30 metërsh në përpjekje për tu larguar nga policia në Korfuz.
Dimistris Aspiotis, 47-vjeç, i cili ka përdhunuar një grua shqiptare dhe shtatë turiste britanike, theu një këmbë, legenin, shtyllën kurrizore dhe këputi një veshkë teksa ra nga një shkëmb në Lefkimmi të premten e kaluar.
Ai u arrestua nga policët pas një operacioni 3 orësh për ta nxjerrë atë nga vendi ku fshihej. Policia e ishullit grek kishte filluar një ndjekje për Aspiotis që në fillim të muajit pasi ai kishte lidhje me përdhunimin e një gruaje shqiptare, e cila pretendoi se ai e kishte marrë zvarrë drejt një pylli dhe e kishte përdhunuar vazhdimisht. për dy ditë rresht.
Aspiotis u dërgua mbrëmjen e djeshme në spital nën mbikëqyrjen e policisë së Korfuzit dhe pas rikuperimit ai do të dërgohet menjëherë në burg, pasi shkeli lirimin me kusht, shkruan Daily Mail.
Lirimi me kusht i “Dragoi të Kavos”” u kundërshtua në mënyrë të diskutueshme në gusht të vitit të kaluar pasi kishte kryer vetëm 7 vite nga dënimi i tij prej 52-vjetësh. Por për shkak të një ndryshimi të ligjit ai përfitoi lirin me kusht.
Një nga viktimat britanike e Aspiotis, Kayleigh Morgan, 32-vjeç, hoqi dorë nga e drejta e saj e anonimatit vitin e kaluar për të rritur ndërgjegjësimin dhe për të hedhur poshtë vendimin e qeverisë greke për lirimin e tij.
Stjuardesa e British Airways nga Scunthorpe, Lincolnshire, tha në shtator: ‘Dua të di pse është jashtë. Nuk besoj se ai ka ndryshuar.
Një person si ai nuk mund të ndryshojë kurrë dhe tani unë jam shumë e tmerruar për atë që më bëri mua dhe shumë viktimave të tjera. Kur dëgjova se ai u lirua, unë isha në shok total. Unë shpërtheva në lot dhe u ndjeva e sëmurë, u neverita”/Fjala.al/ R.G
