Një nga katër anëtarët e Këshillit Politik të Reformës Zgjedhore është edhe Rudina Hajdari përveç Damian Gjiknurit, Oerd Bylykbashit dhe Petrit Vasilit. Po si po ecën kjo reformë? Në emsionin HARD TALK NGA ROLAND QAFOKU, Hajdari foli për ecurinë e kësaj reforme.
-Vijmë te ajo temë që na intereson më shumë: Reform Zgjedhore. Në çfarë faze jeni? Duket sikur nuk ka transparencë. Çfarë po ndodh realisht?
-Ju e kuptoni fare mirë që Reforma Zgjedhore është një çështje shumë e rëndësishme për momentin sepse bëhet fjalë për një moment të rëndësishëm për Shqipërinë, para konferencës ndërqeveritare që bëhet me Bashkimin Evropian, Shqipëria duhet të mbyllë disa detyra dhe Reforma Zgjedhore dhe Reforma në Drejtësi janë dy gjërat më të rëndësishme që Shqipëria duhet t’i përmbyllë para këtij takimi ndaj dhe është dhënë ky afat ambicioz deri diku sepse është e vështirë të mbyllet deri në 31 maj. Besoj ka qenë ky presion i ndërkombëtareve , ka qenë kjo ide që i ka shtyrë palët të kthehen në tavolinë. Se sa do arrihen do jetë goxha luftë e vështirë. Java që vjen besoj se do ketë goxha ngjarje, sepse duhet përmbyllur reforma zgjedhore, do shkojë në parlament, do votohet, por para se të shkojmë aty kuptohet që unë po bëj një betejë goxha të fortë. Dhe për këtë unë nuk do druhem absolutisht në asnjë moment.
-Në momentin që flitet për sistemin ata i shkelin syrin njëri-tjetrit. Është e vetmja temë që nuk pranojnë të diskutohet, që të lëshojnë pak pe, të flasim bashkarisht dhe të shikojmë mundësinë që ta ndryshojmë sistemin. Sepse duhet t’i japim një lloj mundësie dhe qytetarit që të përfaqësohet. Për çfarë jemi ne aty? Thjesht për të ndarë interesat e njëri –tjetrit?
-Po si do ua dalësh atyre? Ata janë të fortë.
– Do e shikojmë, sepse mendoj se njerëzit do e shikojnë realisht se çfarë ndodh, se si në momentin që ata përballen me këtë lloj sfide apo lufte nuk duan t’u japin njerëzve hapësirën që meritojnë. Do luftojmë jo vetëm për sistemin, do kemi dhe një referendum. Sot nuk je në gjendje të kesh zë për absolutisht asgjë. Njerëzit të kenë mundësi të fusin në parlament ata njerëz që i përfaqësojnë realisht dhe zëri i tyre të dëgjohet./Fjala/k.b
https://youtu.be/jGR2xWA8CZk
