Qeni i një viktime nga koronavirusi në spitalin e Wuhan në Kinë, ka pritur rreth tre muaj jashtë ambienteve të spitalit për të takuar të zotin e tij.
Fatkeqësisht, i moshuari humbi jetën nga virusi vetëm 5 ditë pasi ishte shtruar në spital.
Qeni i vogël fitoi zemrat e gjithë stafit në spital por këta të fundit ishin të vetëdijshëm se qeni nuk mund ta takonte më pronarin e tij.
Ata kujdeseshin për qenin i cili kërkonte çdo ditë të takohej me të zotin por fatkeqësisht kjo nuk ishte e mundur.
Pronarja e një supermarketi tregon për The Sun se është kujdesur për qenin dhe thekson se ai shkonte çdo ditë në spital ndërkohë që priste të zotin të dilte prej andej./Fjala/k.b
