Një top modele që besohet se humbi jetën javën e shkuar në aksidentin ajror në Pakistan, ka pushtuar rrjetin orët e fundit pasi emri i saj po përmendet gjerësisht në ofendime e mallkime, edhe pas vdekjes.
Në rrjetet sociale emri i saj është përmendur nga mijëra vetë në komente negative, që akuzojnë Zara Habid kishte zgjedhur një jetë dhe një karrierë që nga myslimanët konsiderohet si “haram”, që do të thotë e ndaluar nga islami, madje shkojnë më tej kur shkruajnë që stili i saj i jetës u ndëshkua me këtë aksident.
Modelja, tashmë e ndarë nga jeta, kishte punuar dhe ishte imazh i disa prej kompanive më të njohura të modës në Pakistan dhe këtë vit ishte gati të niste edhe projektet e para në fushën e aktrimit.
Komentet kanë qenë nga më drithërueset, aq sa disa shkruajnë se me jetën që ajo bënte, me siguri që do të përfundonte në ferr, ndryshe nga myslimanët e devotshëm e të ndershëm. Një tjetër shkruante se Allahu nuk i donte e as nuk e pranonte adhurimin nga ato femra që zhvishen për të rënë në sy, shkruan The Sun.
Sipas besimit mysliman, gratë duhet të vishen e të mbulohen nga koka tek këmbët sikurse duhet të sillen e të flasin në mënyrë të denjë. Pas këtyre komenteve, rrjetet sociale të modeles janë bllokuar nga ana e autoriteteve. Edhe pse ende autoritetet e Pakistanit nuk kanë konfirmuar identitetin e të gjitha viktimave, familjarët e Zarës thonë se bukuroshja ishte mes pasagjerëve të avionit që u rrëzua mbi rajonin Pahor./Fjala.al
