Qiproja ka premtuar se do të mbulojë shpenzimet e të gjithë turistëve që rezultojnë me Covid-19 gjatë pushimeve në ishull.
Qeveria qipriote deklaroi se do të mbulojë shpenzimet e akomodimit, ushqimeve, pijeve dhe ilaçeve për turistët që rezultojnë pozitivë. Ndërkohë spitali me 100 shtretër do të përdoret edhe për turistët që rezultojnë pozitivë, ndërsa 12 vende në repartin intensiv do të përdoren për pacientët që janë në gjendje kritike.
Premtimi i shkruar në pesë faqe nga qeveria për linjat ajrore dhe operatorët turistikë, përshkruan protokolle të rrepta të shëndetit dhe higjienës.
Turizmi përfshin 13% të ekonomisë së Qipros. Vendi pret të humbas 2.6 miliardë euro të ardhura nga turizmi këtë vit.
Letra, e nënshkruar nga ministrat e punëve të jashtme të Qipros, transporti dhe turizmi, krenohet se vendi ka rastet më të ulëta të koronavirusit për frymë në Evropë, pasi ka testuar më shumë se 10% të popullsisë së tij.
Udhëtimi ndërkombëtar ajror në Qipro fillon më 9 qershor fillimisht nga 19 vende, me pasagjerët që u kërkohet të kryejnë test të Covid-19 tre ditë para nisjes. /Fjala.al
