Kryetari i Partisë Demokratike, Lulzim Basha u shpreh i gatshëm për të kërkuar kufizimin e mandatit të kryeministrit në Shqipëri. Pas zgjedhjeve të vitit 2021, Basha tha në emisionin “Opinion” se do të propozojë që kryeministri të mos ketë më shumë se dy mandate, njësoj siç ndodh në SHBA me Presidentin.
Nëse në Parlamentin e ri nuk do të i ketë votat e mjaftueshme për këtë ndryshim të Kushtetutës, Basha tha se do i drejtohet popullit me referendum.
“Jam i vendosur ta propozoj dhe nëse në Parlamentin e ardhshëm nuk do të kem votat e nevojshme për ta miratuar, do i drejtohem popullit me referendum”, tha kreu i opozitës.
Sipas Bashës, asnjë popull në Evropë nuk i ka patur këto rekorde negative siç ka ndodhur me shqiptarët, të cilët vuajnë nga pushteti i madh i kryeministrit.
“Shumë më shumë pushtet të jetë në duar të shqiptarëve dhe shumë më pak pushtet të jetë në duart e elitave”, tha Lulzim Basha.
Me PD në pushtet, Ilir Meta mund të marrë mandatin e dytë si President