Lulzim Basha është shprehur i gatshëm për të dhënë mbështetje për Ilir Metën për të marrë një mandat të dytë si President në Shqipëri. Në emisionin ‘Opinion’ në Tv Klan, Basha tha me Partinë Demokratike në pushtet është mundur që Meta të marrë një mandat tjetër si kreu i shtetit.
I pyetur nëse Meta po kërkon të marrë drejtimin e opozitës shqiptare, Basha tha: “Ilir Meta është President i vendit dhe ka një mandat deri në vitin 2022. Unë jam kryetar i opozitës, unë jam kandidati për kryeministër dhe me votat e shqiptarëve do të drejtoj qeverinë.”
Kreu i Partisë Demokratike e vlerësoi si kurajoze punën e Ilir Metës si President, ndërkohë që për opozitën tha se ka denoncuar çdo problem në Shqipëri.
