Ambasadorja e Shteteve të Bashkuara, Yuri Kim ka përshëndetur dhe takimin e sotëm të Këshillit Politik për Reformën Zgjedhore.
Në një postim në Twitter, diplomatja amerikane deklaron se sot u arrit më shumë progres, por kanë mbetur ende dhe 2-3 çështje pa u dakordësuar. Sipas saj palët duhet të punojnë dhe në fundjavë për ta përfunduar reformën brenda 31-majit.
Më tej, ambasadorja Yuri Kim shton se përkufizimi i negociatave është se jo të gjithë do të marrin atë që duan.
Postimi i plotë:
“Më shumë progres i arritur sot, 2-3 çështje kanë mbetur ende. Partitë duhet të punojnë dhe gjatë fundjavës për të arritur marrëveshjen brenda 31 majit, ashtu siç kanë pranuar. Jo të gjithë do të marrin atë që duan, ky është përkufizimi i negociatave. Jeni shumë pranë, nuk ka kohë për të pushuar. Mos i zhgënjeni shqiptarët”, shkruan ambasadorja amerikane./E.B./Fjala.al
