Është rritur numri i personave të prekur nga koronavirusi në Mat duke shkuar në 8 persona. Ditën e djeshme ishin 6 raste pozitive, ndërsa pas marrjes së kampionëve të tjerë kanë rezultuar pozitiv edhe 2 persona të tjerë.
Burime për mediat bëjnë me dije se dy rastet e reja janë brenda njërës prej familjeve, të cilat dolën me Covid-19 një ditë më parë dhe që kanë pasur kontakte me QSUT. Ndërkohë të gjitha këto raste janë të izoluara dhe monitorohen nga mjekët e familjes pranë Njësisë Vendore të Kujdesit Shëndetësor Mat.
Personat e infektuar me koronavirus janë të gjithë banues në fshatin Urakë të Njësisë Administrative Rukaj.k.t/Fjala.al/
