Eksperti i Shëndetit Publik, mjeku Erion Dasho, shprehet se aktualisht kemi grafikun më shpresdhënës lidhur me epideminë e COVID-19.
Kjo, sipas tij, është për shkak se numri i rasteve ditore në botë sa vjen e rritet, numri i vdekjeve ulet dhe kjo tregon se virulenca e COVID-19 është në rënie të vazhdueshme.
Në vijim ai shprehet se “beson që për dy apo tre javë do të marrim lajmin e mirë që presim të gjithë prej kohësh”.
Postimi i plotë në Facebook:
“Grafiku më interesant dhe më shpresëdhënës lidhur me epideminë nga COVID-19 është ky në vijim. Ndërsa numri i rasteve ditore në botë sa vjen e rritet, numri i vdekjeve sa vjen e ulet. Qartazi virulenca e COVID-19 është në rënie të vazhdueshme dhe të qëndrueshme.
Duke qënë se ka shumë faktorë që ndikojnë në përhapjen dhe vdekshmërinë nga COVID, kjo është thjesht një indicije në kuadrin e shumë të tjerave (gjithashtu pozitive). Shpresoj që këto lajme të vazhdojnë dhe, mbi të gjtha, të konfirmohen edhe nga puna kërkimore dhe zbulimet shkencore.
BESOJ PËR DY OSE TRE JAVË DO TË MARRIM LAJMIN E MIRË QË PRESIM TË GJITHË PREJ KOHËSH!!!”-shkruan Erion Dasho./E.B./Fjala.al
