Dy astronautët e NASA-s dhe SpaseX kanë mbërritur në Stacionin Hapësinor Ndërkombëtar si pjesë e misionit historik.
Astronautët Doug Hurley dhe Bob Behnken arritën në destinacion pas një udhëtimi 19 orësh që filloi nga Qendra Hapësinore Kennedy.
Kjo është hera e parë që kompania private hapësinore e krijuar nga Elon Musk dërgon njerëz në hapësirë po ashtu hera e parë që astronautët janë nisur për në hapësirë nga toka amerikane që nga përfundimi i programit Space Shuttle në vitin 2011.
Stacioni Hapësinor do të shërbejë si shtëpi për dy astronautët amerikanë gjatë muajve të ardhshëm, gjatë së cilës periudhë do të kryhen testime të tjera mbi kapsulën Crew Dragon që i çoi ata atje.
Qëllimi i këtij misioni është të demonstrojë aftësinë e SpaceX për të bartur astronautët në hapësirë dhe për t’i kthyer mbrapsht në tokë./r.g/fjala.al
