1 qershori është dita e parë që në vendin tonë nuk ka më ndarje midis zonave të kuqe dhe atyre të gjelbra. Pas lirimit të masave në ato qytete ku nuk kishte asnjë rast me koronavirus, e më vonë të atyre vendeve që nuk po shënonin të prekur të rinj, sot është dita e parë ku i gjithë vendi është i lirë.
Tashmë mund të bëhet lëvizja me mjetet në të gjithë Shqipërinë pa pasur nevojë për leje të posaçme për lëvizje midis qyteteve të quajtur zona të gjelbra dhe atyre të cilësuar si zona të kuqe.
Nuk do të ketë më kufizime të orareve të lëvizjes, apo të qëndrimit hapur të bizneseve, ndërsa nuk është e ndaluar më që në një automjet të jenë më shumë se dy persona.
Baret dhe restorantet mund të qëndrojnë hapur tashmë në fashë-oraret që kanë përdorur përpara karantinës, ndërsa vijon të qëndrojë në fuqi masa e hapjes vetëm të ambienteve jashtë të tyre.
Ndërsa do të vijojë të jetë i mbyllu transporti publik dhe nuk do të lejohen organizimi që mbledhin shumë njerëz në një vend si aktivitetet sportive, kinematë si dhe festimet familjare që grumbullojnë shumë persona bashkë.k.t/Fjala.a/