La Liga e ka vendosur tashmë rikthimin në fushë dhe ka bërë gati edhe kalendarin e ndeshjeve. Takimi i parë në kampionatin kryesor të futbollit spanjoll do të luhet më 11 qershor dhe është derbi Sevilla-Betis, i cili do të luhet në orën 22:00.
Ndërsa ndeshjet e tjera të javës së 28-të të La Liga do të luhen të shpërndara në katër ditë. Barcelona do të luaj më 13 qershor kundër Mallorca, ndërsa Real Madrid që pret në shtëpi Eibar një ditë më pas.
La Liga vendosi këtë kalendar pasi mori dritën jeshile nga qeveria spanjolle për rikthimin e futbollit. Ndërsa siç është thënë sfidat do të luhen pa tifozë, ndërsa është parashikuar një tur i vërtetë force.
Kampionati kryesor i futbollit spanjoll do të ketë ndeshje për 39 ditë me radhë, ndërsa skuadrat duhet të luajnë çdo 72 orë deri në mbylljen e këtij sezoni. Ditën e sotme ekipet i janë kthyer normalitetit në seancat stërvitore, ku përveç zbatimit të protokollit në dhomat e zhveshjes, futbollistët janë përgatitur njësoj si përpara pandemisë.k.t/Fjala.al/
