Kevin Hart i kërkon mediave në mbarë botën, që të jenë pjesë e zgjidhjes, përmes mesazheve që përcojnë, pasi protestat pas vdekjes së George Floyd vijojnë në SHBA sikurse edhe në Europë.
E gjithë Amerika është përfshirë në protesta mbarë kombëtare pas ngjarjes së javës së shkuar. Komediani 40 vjecar, postoi një mesazh prekës në llogarinë e tij në Instagra, ku i kërkonte reporterëve dhe gazetarëve, që jo vetëm ti raportojnë këto ngjarje por edhe të bëhen pjesë e një zgjidhje përfundimtare, kundër racizmit.
Ai kërkoi që edhe mediat, të fokusohen tek cështjet që duhet ti japin fund njëherë e mirë padrejtësive të tilla. “Ju kontrolloni fjalën e lirë.
Ndaj detyra juaj duhet të jetë raportimi korrekt. Ne, bashkë me ju, nuk duhet të humbasim arsyen. Dhe arsyeja është e qartë, një tjetër njeri humbi jetën në duart e një oficeri policie” thotë aktori.
Hart e mbyll postimin e tij prekës me fjalët: “U prehsh në paqe George Floyd, u vrave nga një polic. Ishte një tjetër vdekje e trishtë.
Them një tjetër sepse ka ndodhur shumë herë të tjera. Media duhet të nxisë ndryshimin. Ne duhet ti shtyjmë. Ne nuk jemi vetëm njerëz që protestojmë.
Ju e dini pse jemi të nervozuar. Edhe ju duhet të jeni të zemëruar. Ju duhet të jeni në anën e zgjidhjes, jo problemi” thotë Kevin Hart, i cili ka protestuar disa herë për ngjarje të tilla në të shkuarën, kryesisht kur bëhet fjalë për dhunën e ushtruar ndaj njerëzve me ngjyrë./l.m/Fjala.al
