Një nga kritikuesit më të mëdhenj të kryetarit të PD Lulzim Basha është analisti i njohur Mustafa Nano. Por i ftuar në emsionin HARD TALK NGA ROLAND QAFOKU, në Grupin Mediatik “FJALA” Nano ka portretizuar me disa cilësi pozitive liderin demokrat. E megjithatë ai nuk e la pa shigjetur dhe duke deklaruar se defekti më i madh i Bashës është mungesa e personalitetit.
-Çfarë lloj lideri i opozitës është zoti Basha?
-Basha ka cilësi të mira. Ka një cilësi që s’e kanë këta të tjerët. Duket si normal. Unë e quaj cilësi këtë. Këtë dikush mund ta shohë dhe si dobësi sepse kjo lidhet me karizmën e munguar por unë e shoh si pozitiv, duket njeri normal, duket si komshia jot. Nuk ka karizmën që ka pasur Berisha. Është diskret në stilin e jetës. Është I rezervuar, është familjar. Këto janë tipare që nuk thonë ndonjë gjë të madhe sepse këto kompesohen nga një fakt tjetër, që është mungesa e personalitetit. Basha është I vetmi politikan shqiptar I këtyre viteve që është pa personalitet. Ti merr dhe Erion Velinë që po punon me Ramën, që e ka bossin e vet atë kryeministrin, por unë mbaj mend që ai në moshën 22-23 vjeç ka mbledhur ca njerëz. Për të inspiruar nuk e di por aspironte të paktën. Ndërsa Basha nuk ka as guximin t’I thotë atij tjetrit, “dëgjo ti je mentori im në politikë por të lutem më krijo mundësinë të tregoj veten”. Unë pres që ai ta demostrojë këtë gjë, nëse ai nuk e demostron… Personaliteti është i rëndësishëm sidomos në politikë./Fjala.al/k.b
https://www.youtube.com/watch?v=7xpzJzuY1aU
