Derek Chauvin, polici i pushuar nga puna për vdekjen e George Floyd është transferuar në burgun e sigurisë maksimale në Minesota.
Chauvin u transferua në burgun Oak Park Heights, i vetmi burg i sigurisë maksimale i nivelit të 5-të në shtet, tha Komisioneri i Departamentit, Paul Schnell në një konferencë shtypi të dielën mbrëma.
Ai tha se një transferim i tillë nuk është “i zakonshëm” midis të burgosurve me profil të lartë, dhe se masa u mor pasi shumë njerëz mund të bënin trazira në burgun e Qarkut Hennepin, ku Chauvin kishte qenë në paraburgim.
Koha e Chauvin në burgun e Qarkut Hennepin ishte e shkurtër. Ish oficeri i policisë në Minneapolis, i cili fillimisht u la në burgun e Ramsey County, u transferua në Hennepin të dielën pasdite, para se të transferohej në Oak Park Heights orë më vonë.
Floyd vdiq në 25 maj. Chauvin u akuzua të premten për vrasje të shkallës së tretë dhe vrasje të shkallës së dytë./r.g/fjala.al
