Edhe duke mos iu bashkuar grupit Spice Girl vitin e shkuar, Victoria Beckham ka arkëtuar 1 mln paund fitime. Gjatë periudhës kur mikeshat e saj këndonin qark Britanisë së Madhe, Victoria nënshkroi 13 kontrata të reja biznesi, që i siguron të ardhura të majme, më shumë nga sa do kish fituar duke kënduar.
Vetë Victoria i ka caktuar edhe vetes një pagë vjetore nga ‘brandi’ i rrobave që shkon deri në 700 mijë paund në vit. Tashmë emri i Posh është hequr nga grupi muzikor, në faqen zyrtare të të cilës përmenden si këngëtare dhe drejtuese vetëm Mel B, Mel C, Emma dhe Geri. Brendi i veshjeve që ajo drejton arkëtoi vitin e shkuar 4.5 milionë paund fitime, në rritje me mbi 1.2 milionë paund në krahasim me një vit më parë.
Një burim pranë stilistes thotë se biznesi i saj po ecën mjaft mirë dhe Victoria do të fokusohet vetëm tek ai, duke hequr dorë nga pasioni për muzikën.
