Kopshti i fëmijëve “Tafil Roli” në lagjen “Uznovë” në Berat është grabitur gjatë natës.
Institucioni që kujdeset dhe edukon fëmijët e vegjël mësohet të jetë vjedhur gjatë natës dhe hajduti ka hyrë në kopsht duke shqyer derën kryesore.
Pasi është konstatuar nga stafi herët në mëngjes se dera kryesore e kopshtit ishte shqyer, është njoftuar menjëherë policinë, e cila ka kryer edhe veprimet procedurale në ambient dhe po punon për identifikimin dhe kapjen e autorëve të ngjarjes.
Ndërsa drejtoresha e kopshtit “Tafil Roli”, Klementina Zhvata ka deklaruar se, pasi kanë parë derën e shqyer dhe se në kopsht mungonte një tapet dhe disa sende të tjera, kanë njoftuar policinë. Ajo shtoi se mësimi në kopsht vijoi normalisht, në përputhje të rregullores dhe protokollit të përcaktuar.k.t/Fjala.al/
