Talenti i Bayern Munich, Joshua Kimmich është kthyer në një nga futbollistë kryesorë në armatën bavareze që synon rikonfirmimin në fron. por lojtari i kombëtares gjermane, tregon se një festë pa tifozët në rast të titullit, do të jetë e çuditshme.
Skenat janë bërë po aq traditë sa prezantimi i një trofeu. Në ndeshjen e fundit në shtëpi të sezonit, lojtarët e Bayern Munich, gjithmonë nëse do ruajnë kryesimin, mblidhen para mbështetësve të tyre dhe argëtohen me një “lumë” birre dhe gota të mëdha që fluturojnë në ajër.
Është një festë trazuese, e gjallë dhe e zhurmshme që bëhetvirale dhe transmeton festën e futbollit në Gjermani. Por këtë vit nuk ka festë për shkak të pandemisë.
“Këtë vit duhet të pimë të gjithë birrën vetë ne lojtarët!” Joshua Kimmich qesh, në një përpjekje për të gjetur një zgjidhje. Mesfushori i shquar që është bërë një emblemë e re e klubit, mund të gjejë pak humor në të gjithë këtë situatë emergjence nga coronavirus, por pika e kësaj bisede është serioze. Rifillimi i futbollit është i mirëpritur edhe pse askush nuk e njeh si duhet, një lojë pa tifozët.
“Unë nuk mund ta imagjinoj tani sesi do jetë festa për titullin por është e çuditshme nëse fiton një ndeshje në Allianz Arena dhe më pas nuk je në tribunën jugore me tifozët. Sigurisht që është më mirë ta fitojmë Meisterschale me fansat, por tani nuk kemi zgjedhjen në dorë ‘ tha Kimmich.
