Gjatë 24 orëve të fundit në Maqedoninë e Veriut janë konfirmuar 120 raste të reja me koronavirus, shifër kjo më e larta e regjistruar që nga shpërthimi i Covid në vend.
Numri i përgjithshëm i të infektuarve në vend ka shkuar në 2.611, nga të cilët 1.621 janë shëruar ndërsa vazhdojnë të jenë aktivë 843.
Sipas të dhënave të institutit të Shëndetit Publik, në këtë shtet janë regjistruar dy viktima nga qyteti i Tetovës duke e çuar numrin e përgjithshëm e të vdekurve në 147.
Prej tyre, 37 janë në Shkup, 25 në Tetovë, 24 në Kumanovë, 20 në Strugë, 10 në Veles, ndërsa në qytetet tjera numri i viktimave është më i vogël se 10.
Rritja e numrit të të infektuarve ka bërë që nga dita e enjte të rikthehen masat e ndalimit të plotë lëvizjeve në Shkup, Tetovë, Kumanovë dhe Shtip.
Në këto qytete ndalimi i lëvizjes do të nisë nga ora 21:00 deri të hënën në orën 05:00, ndërsa në qytetet tjera do të ketë regjim më të lehtë të ndalimit të lëvizjes./r.g/fjala.al
