Ka ndërruar jetë profesori dhe mjeku i njohur i ortopedisë Panajot Boga.
Boga ka qenë drejtues i shërbimit të ortopedisë për shumë vite, ndërkohë që edhe shërbimi ortopedik në Spitalin Ushtarak mban emrin e tij.
Lajmi është bërë publik dhe nga kolegu i tij Tritan Shehu përmes një postimi në rrjetin e tij social ku i shpreh ngushëllimet e sinqerta familjes se tij, kolegeve, bashkëpuntorëve te rinj e të dikurshëm.
“Lamtumirë Prof. Dr. Panajot Boga! Sot është një ditë zi për mjekësinë e veçanërisht për ortopedinë shqiptare, që humbi mjekun e talentuar e novator, profesorin tonë, organizatorin energjik e të kudo gjendur, drejtuesin jetë gjatë të shërbimit të ortopedisë, aplikuesin e guximshëm e vizionar të shkencës e progresives në atë fushë kaq të gjerë të mjekësisë.
Ngushëllimet më të sinqerta familjes së tij, kolegëve, bashkëpuntorëve të rinj e të dikurshëm, miqve, të gjithëve, për këtë humbje të madhe”, shkruan Tritan Shehu./b.b/fjala.al
