Sevim Arbana, aktiviste e të drejtave të njeriut, ka reaguar lidhur me disa emra njerëzish që sipas saj duhen hequr përfundimisht nga gjendja civile.
Përmes një postimi në rrjetin e saj social Facebook, Arbana sqaron se për heqjen e tyre nga Gjendja Civile kanë bërë një kërkesë para disa vitesh, por që ende vijojnë të mbeten në regjistra.
Duke e lidhur statusin me situatën e ditëve të fundit ku tema e përdhunimit të 15 vjeçares pushtoi ekranet e mediave dhe rrugët e qytetit, aktivistja shprehet se këta emra siç i quan ajo të “tmerrshëm” kanë kuptime paragjykuese dhe denigruese, ndërsa shton se emrat mashkullorë janë si të fortë, emrat e vajzave/grave, viktima.
“Para disa vitesh, i jemi drejtuar gjendjes civile, për të ndaluar vënien (dhe heqjen) e emrave të ‘tmerrshëm’ me kuptime paragjykuese dhe denigruese ( doli dhe ligji me pas)
Ende këto emra qarkullojnë në Gjendjet tona Civile.
Shihni dhe këtu pabarazinë 
.
Ndonëse ku thëret qameti për dy gjinitë, serish emrat mashkullore janë si të fortë, ndërsa emrat e vajzave/grave, viktima.
Ndaj nuk çuditem pse u çuditen, me gjithë ato teori konspirative për manifestimin kundër pedofilisë/abuzimeve seksuale.
*******************
Ankim, Arançata, Avash, Bretk, Berr, Burgim, Ballokume, Car, Cub, Curranë,
Currelë, Careva, Carina, Çbane, Dert, Derman, Dovlet, Durak, Ekran, Eros, Ferman, Federatë, Fodulle, Gazep, Gallata, Garip, Gabime, Groshe, Gjezap, Hyzmet, Hiçe, Hafije, Helme, Ironi, Jermësinë, Keqan, Keqe, Kralicë, Lëvere, Meze, Mëshirë, Mjafte, Mjaftime, Mjaftoni, Mbarime, Mbete, Mbylle, Marrëzi, Ndalime, Pikëllime, Pafate, Pseerdhe, Rikë, Rakita, Spece, Sose, Stenatë, Sulltane, Sherre, Shkurte, Shkurtime, Vajtime, Xhenaze, Zehere”, shkruan aktivistja Sevim Arbana./b.b/fjala.al
