Një nga edukatoret e një çerdheje në Prishtin ka rezultuar pozitiv me koronavirus. Kjo gjë i ka alarmuar të gjithë dhe Drejtori i Shëndetësisë në Prishtinë, Bujar Gashi, bëri me dije se do të testohen edhe rreth 30 fëmijë.
Mbrëmjen e djeshme u konfirmuan 10 raste të reja me koronavirus në Prishtinë, në mesin e të cilëve edhe dy fëmijë të dy çerdheve. Ndërsa testit për virusin e rrezikshëm do t’i nënshtrohen edhe rreth 30 fëmijë të tre çerdheve të Prishtinës.
“Sot është testuar një edukatore, po e presim rezultatin. Do të testohen rreth 30 fëmijë”,-ka deklaruar Gashi për Express. Gashi deklaroi se tre çerdhe në Prishtinë po qëndrojnë të mbyllura.
Ndërsa, mbrëmjen e së dielës, me COVID-19 në Kosovë, kanë rezultuar gjithsej 40 persona. Deri më tani numri i të prekurve në vend ka arritur 1234, me gjithsej 890 të shëruar dhe 31 viktima.k.t/Fjala.al/
