Kryeministri Edi Rama ka pranuar disa nga kërkesat e Shoqatës së Transportëve Publik dhe njofton se prej 15 qershorit do të rinisë aktivitetin ky sektor.
Kjo shoqatë paraditen e sotme zhvilloi një protestë para godinës së Ministrisë së Infrastrukturës dhe i drejtuan Qeverisë 6 kërkesa duke marrë shkas nga ndalesa gati 3 mujorëshe për shkak të pandemisë COVID-19 dhe paralajmëruan se nuk do të nisnin aktivitetin e tyre në 15 qershor nëse nuk do kishte mbështetje nga shtetit.
Kreu i qeverisë njofton se Qeveria do njohë si shpenzim të zbritshëm 100% të konsumit të naftës dhe do të ketë 0 taksa për ta deri në përfundim të këtij viti.
Kryeministri njofton se nga 1 janari i 2021 do nisë zbatimi i biletës elektronike si hapi i parë i reformës ligjore/fiskale të sektorit.
Postimi i plotë:
TË HËNËN 15 QERSHOR RINIS SHËRBIMI I TRANSPORTIT URBAN DHE NDËRURBAN, SIPAS PROTOKOLLIT TË MIRATUAR TË SIGURISË SHËNDETËSORE?
QEVERIA DO TA MBËSHTESË KËTË SEKTOR PËRMES:
• NJOHJES SI SHPENZIM TË ZBRITSHËM TË 100% TË KONSUMIT TË NAFTËS
• ZERO TAKSA DHE PO ASHTU ZERO TARIFA VENDORE DERI NË 31 DHJETOR 2020?
? BRENDA 2020 DO TË KRYHET REFORMA E PLOTË LIGJORE/FISKALE E SEKTORIT DHE NË 1 JANAR 2021 DO TË NISË ZBATIMI I SAJ ME BILETËN ELEKTRONIKE SI HAP I PARË
⛔️ NDALOHET KATEGORIKISHT RRITJA E ÇMIMIT TË BILETËS PËR QYTETARËT?
Kërkesat:
1.Heqja e akcizës për blerjen e naftës nga shoqëritë e transportit publik.
2.Njohjen e shpenzimit të zbritshëm 100%, për naftën pasi është lënda jonë e parë.
3.Subvencionimin me 50% të ngarkesës direkt në llogaritë e shoqërive të transportit publik duke marrë parasysh lejen e udhëtimit për të kuptuar sa kapacitet ka mjeti.
4.Zbritja e TVSH-së në shitje nga 20% në 0% për vitin 2020 dhe rikthimin e tij në nivelet e sektorit të turizmit 6% pasi edhe transporti është një nga hallkat e tij.
5.Faljen e taksave vendore të mjeteve për vitin 2020
6.Të merren masa urgjente nga organet e Ministrisë së Punëve te Brendshme dhe Ministrisë së Infrastrukturës dhe Energjisë, për luftimin e transportit të udhëtarëve me mjete informale i cili ka lulëzuar gjatë pas pandemisë.
/E.B./Fjala.al
