Fakulteti i Histori-Filologjisë në Universitetin e Tiranës ka marrë një vendim lidhur me pagesat për vitin akademik nga studentët.
Në urdhrin e firmosur nga vetë dekani i fakultetit Prof. Dr. Sabri Laçi, njoftohen se studentët e vitit të tretë Bachelor dhe vitit të dytë Master që do të diplomohen këtë vit kanë afat deri në 10 korrik për të bërë pagesën e e tarifës vjetore, ndërsa për studentët e tjerë që nuk diplomohen këtë vit kanë afat deri në 15 shtator. Urdhri i është dërguar çdo studenti me e-mail.
Për shkak të krizës ekonomike nga pandemia COVID-19, studentët kanë bërë thirrje për anulimin e tarifave vjetore, por dhe shtyrja e pagesës sërish është një ndihmesë për ta./E.B./Fjala.al
