Thonë se bukuria është edhe pasyqrë e shpirtit dhe sjelljes së njeriut por sot gjithnjë e më shumë njerëz, mes tyre edhe personazhet e famshëm, synojnë që të jenë më të “ndershëm” duke publikuar foto të paedituara.
Kështu ndodhi me Helen Flanagan, e cila një ditë më parë publikoi në Instagram foto në të brendshme, pa ndërhyrë me photoshop e të njëjtën gjë kërkoi edhe nga fansat e ndjekësit e saj, që të jenë sa më realë edhe në rrjetet sociale.
Po ashtu edhe reperja amerikane Cardi B mahniti fansat në muajin maj kur publikoi një foto buzë pishinës, pa asnjë ndërhyrje e me ndriçim natyral.
Scarlett Moffatt humbi ndjeshëm kg në vitin 2016 dhe prej asaj kohe fotot e saj në rrjetet sociale ishin fantastike, të kuruara deri në detaj.
Por edhe pse sot ajo ka shtuar sërish në kg, Scarlett poston vetëm foto reale, pa ngjyra të shtuara e pa asnjë ndërhyrje.
E duket se fansat e duan edhe më shumë kështu.
Të njëjtën gjë kanë bërë edhe modele aktore e këngëtare, që kohët e fundit kanë zgjedhur të publikojnë në rrjet vetëm foto reale, të përditshmërisë së tyre dhe mbi të gjitha me trupin siç është në të vërtetë./Fjala.al/k.b
